ZK1A1642

Kryetari i Komunitetit Mysliman të Shqipërisë, z. Skender Bruçaj mori pjesë në simpoziumin ndërkombëtar “Ringritja e bektashizmit përmes traditës së Ehli-Bejtit dhe roli historik i Dede Reshat Bardhit”, të organizuar nga Kryegjyshata Botërore Bektashiane.

Kryetari i KMSH-së vlerësoi rolin e komunitetit bektashian në ruajtjen e harmonisë dhe bashkëjetesës fetare në Shqipëri.

“Mirëkuptimi, toleranca dhe harmonia fetare e përjetuar në Shqipëri gjatë një periudhe disa shekullore është rezultati më i mirë, më i bukur i bashkëjetesës ndërmjet komuniteteve të ndryshme fetare. Një shembull konkret dhe unik për të cilin të gjithë jemi të vetëdijshëm. Një rol të rëndësishëm në konsolidimin e kësaj bashkëjetese ka edhe Komuniteti Bektashian”, tha ndër të tjera z. Bruçaj.

Gjatë fjalës së tij z. Bruçaj vlerësoi rolin dhe kontributin e Dede Reshat Bardhit në shoqërinë shqiptare e më gjerë.

Gjithashtu në këtë aktivitet morën pjesë përfaqësues të komuniteteve fetare, politikanë, përfaqësues të trupit diplomatik të akredituar në vendin tonë, studiues, akademikë dhe besimtarë të ndryshëm.

ZK1A1656  ZK1A1636  ZK1A1611 ZK1A1600

Pajtohuni

Regjistrohuni në listën tonë të POSTIMEVE


© Të gjithë të Drejtat e Rezervuara 2021 Komuniteti Mysliman i Shqipërisë