MYFTINITË E SHQIPËRISË
Komuniteti Mysliman i Shqipërisë e ushtron veprimtarinë e tij në të gjithë territorin e Republikës së Shqipërisë nëpërmjet myftinive.
Myftinitë organizohen dhe ushtrojnë veprimtarinë e tyre sipas ndarjes administrative të përcaktuar në këtë statut.
Myftinitë ndahen në: Myftini Zone, Rrethi dhe N/Myftini.
Myftinitë e rretheve janë të ndara dhe funksionojnë sipas ndarjes administrative të rretheve në Republikën e Shqipërisë.
N/Myftinitë ngrihen dhe funksionojnë në bashki me vendim të Kryesisë së Komunitetit Mysliman.
Myftitë e Zonave, Rretheve dhe N/Myftitë emërohen dhe shkarkohen nga Kryesia e Komunitetit Mysliman të Shqipërisë dhe miratohen ose jo në mbledhjen e parë të zakonshme të Këshillit të Përgjithshëm.
Myftiu, pasi miratohet emërimi i tij nga Këshilli i Përgjithshëm dhe para fillimit të detyrës betohet sipas kësaj formule:
“Betohem në emër të Allahut, se do të zbatoj me besnikëri Kuranin dhe Statutin e Komunitetit Mysliman, do të kryej detyrën me ndërgjegje të pastër Islame e kombëtare duke ruajtur dhe zbatuar me besnikëri fetare rregullat e këtij Komuniteti. Allahu më ndihmoftë”
Myftitë e zonave dhe rretheve komunikojnë dhe mbajnë lidhje të drejtpërdrejta me Kryesinë e Komunitetit Mysliman.
Myftitë duhet të kenë kryer fakultet teologjik ose medresenë dhe fakultet laik, të kenë përvojë pune në organikat e Komunitetit Mysliman mbi 5 vjet.
Detyrat e Myftiut
- Myftiu drejton dhe organizon të gjithë veprimtarinë e myftinisë.
- Organizon ceremonitë për festat fetare të besimit mysliman.
- Ndjek dhe kontrollon veprimtarinë fetare në xhamit e juridiksionit të myftinisë, për zbatimin e statutit dhe rregullores së brendshme të KMSH.
- Organizon hapjen e kurseve fetare ne xhami e myftini dhe ndjek e kontrollon funksionimin e tyre.
- Interesohet dhe bashkëpunon me besimtarët mysliman, organet e pushtetit lokal dhe donatorë të ndryshëm për ndërtimin e xhamive në fshatrat, komunat ose ne qytetet ku nuk ka objekte kulti.
- Bashkëpunon me organet e pushtetit vendor në rreth dhe qark për evidentimin, njohjen dhe kompensimin e pronave.
- I propozon Kryesisë së KMSH kandidaturat për emërim e lëvizje kuadri, ulje ne detyrë, masat disiplinore dhe për shpërblimet për personelin fetar e civil që janë në vartësi dhe pjesë e strukturës së myftinisë.
- Në zbatim të Statutit të KMSH u jep udhëzime imamëve e vaizëve për kryerjen e riteve fetare në xhami.
- Mban marrëdhënie të mira institucionale me besimet e tjera fetare qe ushtrojnë veprimtari në juridiksionin e myftinisë dhe merr pjesë në aktivitetet e tyre fetare, si dhe mban gjithashtu marrëdhënie të mira me organet e pushtetit vendor.
Myftinjtë e Shqipërisë
1 | Agim | Duka | Myfti i Elbasanit |
2 | Sadetin | Kotrri | Myfti i Krujës |
3 | Muis | Kurtulla | Myfti i Dibrës |
4 | Ardit | Hoxhllaku | Myfti i Librazhdit |
5 | Edmond | Ceni | Myfti i Devollit |
6 | Besnik | Leçini | Myfti i Kavajës |
7 | Agim | Tereziu | Myfti i Matit |
8 | Anis | Qafa | Myfti i Mallakastrës |
9 | Bledar | Ali | Myfti i Delvinës |
10 | Bledar | Mullaj | Myfti i Sarandës |
11 | Jusuf | Salkurti | Myfti i Skraparit |
12 | Edmir | Smajlaj | Myfti i M. Madhe |
13 | Eduart | Demiraj | Myfti i Tropojës |
14 | Avni | Goma | Myfti i Gjirokastrës |
15 | Gëzim | Kopani | Myfti i Pukës |
16 | Klodian | Tafani | Myfti i Përmetit |
17 | Lauren | Luli | Myfti i Tiranës |
18 | Emirjon | Vathaj | Myfti i Lezhës |
19 | Ermir | Gjana | Myfti i Gramshit |
20 | Armand | Asllani | Myfti i Vlorës |
21 | Islam | Hoxha | Myfti i Kukësit |
22 | Armand | Islami | Myfti i Peqinit |
23 | Mikel | Hazizolli | Myfti i Fierit |
24 | Edmond | Ceni | Myfti i Ersekës |
25 | Emirjon | Vathaj | Myfti i Kurbinit |
26 | Muhamed | Sytari | Myfti i Shkodrës |
27 | Baftijar | Këllëzi | Myfti i Beratit |
28 | Namik | Mahmutllari | Myfti i Pogradecit |
29 | Ledian | Cikalleshi | Myfti i Korçës |
30 | Redin | Quku | Myfti i Durrësit |
31 | Sadik | Ukperaj | Myfti i Hasit |
32 | Sejdin | Strazimiri | Myfti i Bulqizës |
33 | Gramos | Blliku | Myfti i Lushnjës |