![Kryetari i KMSH H. Skënder Bruçaj, uron Myftiun e Kosovës për rizgjedhjen si kryetar i BIRK](https://www.kmsh.al/wp-content/uploads/2018/11/45116275_1982007551859790_3691508138755751936_n.jpg)
Kryetari i KMSH H. Skënder Bruçaj, uron Myftiun e Kosovës Naim ef. Tërnava për zgjedhjen e tij si kryetar i BIRK
Kryetari i Komunitetit Mysliman të Shqipërisë H. Skënder Bruçaj bashkë me një delegacion të këtij instirucioni zhvilluan sot një vizitë zyrtare në Bashkësinë Islame të Kosovës, ku u pritën nga Myftiu i Kosovës Naim ef. Tërnava dhe drejtuesit e tjerë të lartë të BIRK.
Gjatë kësaj vizite kreu i KMSH-së i ka uruar myftiut Tërnava zgjedhjen në detyrën e kryetarit të BIRK, duke i uruar sukses dhe prosperitet në dobi të mbarë besimtarëve myslimanë të Kosovës si dhe ka vlerësuar rolin e jashtëzakonshëm që luan Bashkësia Islame e Kosovës në të gjitha fushat e jetës.
Ata kanë folur për vazhdimin dhe rritjen e bashkëpunimit institucional midis bashkësive islame në trojet shqiptare dhe me gjerë.