Kryetari i Komunitetit Mysliman të Shqipërisë priti në një takim drejtues të Institutit Ndërkombëtar të Mendimit Islam (IIIT) me qendër në SHBA.

Kryetari Bruçaj e njohu delegacionin nga SHBA-ja me institucionin e Komunitetit Mysliman dhe punën e tij në shërbim të myslimanëve shqiptarë.

Instituti IIIT përfaqësohej nga prof. dr. Omar Hasan Kasule, mjek, shkencëtar, Sekretari i Përgjithshëm i Institutit, dr. Ahmad Totonji, themelues i Bordit Ekzekutiv si dhe dr. Ahmed Basiç, anëtar i Bordit Ekzekutiv.

Prof. dr. Kasule dhe dr. Totonji folën mbi myslimanet autoktonë evropianë dhe rolin që duhet të kenë shqiptarët në promovimin e vlerave islame. Ata  u shprehën se shqiptarët me tiparet e tyre të veçanta që karakterizohen, kanë shumë çka të japin për Islamin në Evropë.

Ata gjithashtu ofruan bashkëpunimin e tyre për organizimin e programeve trajnimi për imamët në SHBA.

Instituti IIIT është një institucion me profil akademik dhe kulturor, që merret kryesisht me trajtimin e çështjeve arsimore, akademike dhe sociale në këndvështrimin e Islamit.

Ky Institut është themeluar në vitin 1981 në SHBA.

Në takim ishin edhe përfaqësues të Institutit Shqiptar të Mendimit dhe Qytetërimit Islam (AIITC).

 

KMSH0096 KMSH0111KMSH0101

 

 

Pajtohuni

Regjistrohuni në listën tonë të POSTIMEVE


© Të gjithë të Drejtat e Rezervuara 2021 Komuniteti Mysliman i Shqipërisë