Kryetari i KMSH priti në një vizitë Kryetaren e Misionit të OSCE në Maqedoni, Ambasadoren znj. Nina Suomalainen.
Kryetari Bruçaj e njohu me Institucionin e KMSH-së dhe rolin që ka në shoqërinë shqiptare si dhe shprehu gatishmërinë për të bashkëpunuar me të gjithë organizmat vendase dhe të huaja të cilat i shërbejnë mbarëvajtjes së harmonisë dhe tolerancës ndërfetare dhe ndikojnë pozitivisht në kohezionin social të Shqipërisë dhe rajonit.
Ambasadorja znj. Nina Suomalainen vlerësoi punën dhe angazhimin e treguar nga KMSH-ja në raport edhe me bashkësitë e tjera fetare në rajon. Ajo gjithashtu i uroi kreut Bruçaj suksese në përmbushjen e misionit të KMSH.
25 shkurt 2016
