seminari - imamet e tiranes (6)

Në kuadër të bashkëpunimit mes Komunitetit Mysliman dhe Universitetit Bedër, në ambientet e këtij të fundit, u zhvillua më 14 Shkurt 2014, një seminar trajnimi me imamët e rrethit të Tiranës.

Në seminarin “Islami dhe komunikimi në publik”, morën pjesë mbi 40 imamë, të cilët patën mundësinë të përfitojnë nga eksperienca dhe njohuritë e lektorëve sa i përket metodave bashkëkohore të prezantimit të Islamit, qasjes ndaj masës, mënyrave të komunikimit e dialogut,etj.

seminari - imamet e tiranes (1)

Nënkryetari i Komunitetit Mysliman, z. Skënder Bruçaj, u shpresh se aktivitete të tilla janë tepër të rëndësishme për zgjerimin e njohurive të punonjësve të myftinive dhe se Komuniteti Mysliman do të organizojë seminare të tilla me përfaqësues të të gjitha rretheve.

 

seminari - imamet e tiranes (2)

Ndërsa Myftiu i Tiranës, z. Ylli Gurra e cilësoi këtë si një hap mjaft të rëndësishëm, i cili do të mund të shërbejë si një vlerë e shtuar dhe një kualifikim ekstra për të gjithë punonjësit e institucioneve islame në vend.

rektori

Rektori i Universitetit Bedër Dr. Ferdinand Gjana tha se Universitetit Bedër, e veçanërisht Fakulteti i Shkencave Islame, do të jetë gjithmonë i hapur për bashkëpunim dhe trajnim të stafit të çdo myftinie në vend.

Temat që u trajtuan gjatë këtij seminari ishin: “Rëndësia e Unitetit dhe solidaritetit në Islam”, nga Prof.Dr. Ayhan Tekineş, Zv. Rektor dhe Dekan i Fakultetit të Shkencave Humane; “Metodat e kumtesës dhe karakteristikat e kumtuesit”, nga Dr. Muhamed Mutevel’li, Pedagog në Departamentin e Shkencave Islame, dhe “Arti i Komunikimit në Publik”, nga Ramadan Çipuri, Përgjegjës i Departamentit të Shkencave të Komunikimit.

Në përfundim të seminarit u ndanë certifikata për imamët pjesëmarrës.

Të pranishëm në këtë aktivitet ishin edhe përfaqësues të tjerë të Komunitetit Mysliman, Myftinisë Tiranë  dhe Universitetit Bedër.

seminari - imamet e tiranes (3) seminari - imamet e tiranes (4) seminari - imamet e tiranes (5)

Pajtohuni

Regjistrohuni në listën tonë të POSTIMEVE


© Të gjithë të Drejtat e Rezervuara 2021 Komuniteti Mysliman i Shqipërisë