Komuniteti Mysliman, nëpërmjet Drejtorisë së Vakëf Investimeve/Financës dhe Myftinisë Tiranë investuan donacionet e besimtarëve në ndërtimin e shtëpisë së z.Elmi Spahiu në Ndroq.

Shtëpia e familjes prej 5 anëtarësh u shkatërrua plotësisht nga tërmeti.

Falë mbështetjes së qytetarëve, kjo familje nga sot do të ketë një shtepi të re dhe me standarde bashkëkohore.

Në momentin e dorëzimit të çelësave dhe dokumentacionit të shtëpisë, familjes së prekur, morën pjesë Myftiu i Tiranës z.Lauren Luli, Kryetari i Bashkisë Tiranë z.Erion Veliaj, Drejtori i Vakf Investimeve dhe Financës, z.Edison Hoti dhe Prefekti i Tiranës Toni Gogu.

Tërmeti i 26 nëntorit 2019 ishte një sprovë e madhe për Shqipërinë.

Shumë njerëz humbën jetën, Zoti i mëshiroftë, shumë familje mbetën pa një strehë mbi kokë, të tjera me dëmtime të rënda.

“Me të vërtetë, pas vështirësisë – vjen lehtësimi!” (Kuran, 94:5)

 Ajo sprovë e rëndë, nxori në pah një mobilizim të jashtëzakonshëm të popullit shqiptar, qytetarë të thjeshtë dhe biznese u mobilizuan si kurrë më parë.

Besimtarë të shumë iu përgjigjën thirrjes së Komunitetit Mysliman të Shqipërisë që në ditën e parë të tragjedisë.

Pako ushqimore, mjete të nevojshme për t’iu përgjigjur emergjencës si batanije, veshmbathje, çadra, ishin ndihmat e para që Komuniteti Mysliman shpërndau në disa familje në Durrës, Krujë, Kavajë, Tiranë.

U bë i mundur edhe restaurimi i Medresesë së Tiranës pas dëmtimeve që pësoi nga tërmeti.

Komuniteti Mysliman i Shqipërisë falënderon të gjithë qytetarët që dhanë kontributin e tyre dhe iu përgjigjën thirrjes së solidaritetit të KMSH!

Zoti ua shpërbleftë në këtë botë dhe në tjetrën mirësinë e tyre të çmuar!

Gjithashtu, falënderon institucionet shtetërore për lehtësimin  e proceduarave të krijuara gjatë ketij procesi!

Zoti e mbrojttë popullin shqiptarë nga sprova të tilla të vështira!

Pajtohuni

Regjistrohuni në listën tonë të POSTIMEVE


© Të gjithë të Drejtat e Rezervuara 2021 Komuniteti Mysliman i Shqipërisë