Kryetari i Komunitetit Mysliman të Shqipërisë, H. Bujar Spahiu, priti në selinë e institucionit Nuncin Apostolik në Shqipëri, z. Charles John Brown.

Nunci Apostolik në Shqipëri i uroi kreut të KMSH-së suksese e mbarësi në udhëheqjen dhe drejtimin e Komunitet Mysliman të Shqipërisë dhe i përcolli atij urimet e Papa Francheskut nga Vatikani.

Ai vlerësoi punën dhe angazhimin e treguar nga KMSH në raport me bashkësitë e tjera fetare dhe ruajtjen e këtij aseti të çmuar, duke shprehur gatishmërinë për t’i forcuar marrëdhëniet dhe bashkëpunimin në ruajtjen e vlerave dhe harmonisë ndërfetare.

Kreu i KMSH-së shprehu angazhimin etij për të bashkëpunuar me të gjithë organizmat të cilat i shërbejnë mbarëvajtjes së harmonisë ndërfetare si dhe ndikojnë pozitivisht në kohezionin social të Shqipërisë.

Gjithashtu bashkëpunimi do të vazhdojë edhe në fusha të tjera me interes të përbashkët.

Pajtohuni

Regjistrohuni në listën tonë të POSTIMEVE


© Të gjithë të Drejtat e Rezervuara 2021 Komuniteti Mysliman i Shqipërisë