![](https://www.kmsh.al/al/wp-content/uploads/2019/11/21-01-31-000-7557981991572356837156.jpeg)
Në vazhdë të vizitës në Mbretërinë e Arabisë Saudite, delegacioni i KMSH-së më në krye kryetarin, H. Bujar Spahiu ka zhvilluar një takim me Dr. Abdullah bin Abdulaziz Al-Rabiah, sekretarin e përgjithshëm të Qendrës Bamirëse dhe Humanitare “Mbreti Selman”.
Kreu i KMSH-së e falënderoi sekretarin e përgjithshëm për kontributin dhe ndihmën që kjo qendër ka dërguar për familjet në nevojë në Shqipëri.
Gjatë takimit, të dy palët diskutuan mbi intensifikimin e marrëdhënieve midis Qendrës Bamirëse dhe Humanitare “Mbreti Selman” dhe Komunitetit Mysliman të Shqipërisë në fushën e bamirësisë, projektet humanitare dhe më gjerë.
Dr. Al-Rabiah shprehu gadishmërinë për rritjen e bashkëpunimit midis dy institucioneve dhe e informoi kreun e KMSH-së për programet dhe projektet e Qendrës “Mbreti Selman” që përfshinin 45 vende të botës.
![](https://www.kmsh.al/al/wp-content/uploads/2019/11/21-01-27-000-9366288891572356843344-1024x574.jpeg)