“Uniteti në diversitet dhe kërkimi së bashku i të ardhmes në Europë”

 Ka nisur dje punimet Konferenca Ndërkombëtare e Bashkësive Islame të Europës “Uniteti në diversitet dhe kërkimi së bashku i të ardhmes në Europë”, me pjesëmarrjen e bashkësive dhe komuniteteve myslimane nga e gjithë Europa.

Në konferencën e cila do të zgjasë dy ditë, 13 dhe 14 maj 2014, merr pjesë edhe kryetari i Komunitetit Mysliman të Shqipërisë z. Skender Bruçaj dhe Drejtori i Kulturës në KMSH z. Genti Kruja.

Kryetari z. Bruçaj krahas konferencës ka zhvilluar edhe takime të ndryshme me liderët e Bashkësive Islame të Europës, me të cilët ka folur për problematikat e përbashkëta që kanë myslimanët e Europës në çështje të ndryshme institucionale dhe të tjera. Ai ka takuar gjithashtu edhe kryetarin e Diyanet-it (Komunitetit Mysliman të Turqisë) Prof. Dr. Mehmet Gormez, myftiun e Bosnjës, Kroacisë, Polonisë, si dhe shumë liderë dhe përfaqësues të tjerë të lartë nga Belgjika, Franca, Norvegjia, Gjermania, Rusia, Danimarka, Krimea, Rumania, Bullgaria, Italia, etj.

Në këtë konferencë merrnin pjesë gjithashtu edhe liderët e Bashkësive Islame të Ballkanit, nga Kosova Myftiu Naim ef. Tërnava dhe Dekani i Fakultetit të Shkencave Islame Dr. Qazim Qazimi, nga Maqedonia Reis ul-Ulema Sulejman ef. Rexhepi dhe sekretari i përgjithshëm Afrim ef. Tahiri, kreu i Kryegjyshatës Botërore Bektashiane Dede Edmond Brahimaj, kryetari i Bashkësisë Islame të Bosnjës Husejn ef. Kavazoviç, kryetari i Bashkësisë Islame të Malit të Zi Rifat ef. Fejziç, kryetari Bashkësisë Islame të Kroacisë Prof. Dr. Aziz Hasonoviç, etj.

14 Maj 2014

bruksel (2) bruksel (3)

bruksel (1)

 

 

 

 

Pajtohuni

Regjistrohuni në listën tonë të POSTIMEVE


© Të gjithë të Drejtat e Rezervuara 2021 Komuniteti Mysliman i Shqipërisë