Komuniteti Mysliman i Shqipërisë çeli sot fushatën e dhurimit të gjakut në ndihmë të fëmijëve talasemikë.

E kthyer në një traditë disa vjeçare, këtë herë kjo fushatë u organizua në bashkëpunim me Presidentin e Republikës, z. Ilir Meta, i cili me këtë rast vizitoi sot ambientet e institucionit ku tashmë ka filluar dhurimi i gjakut nga besimtarët dhe qytetarë të Tiranës.

Gjatë kësaj vizite, Presidenti Meta, u prit nga Kryetari i KMSH-së, H. Bujar Spahiu, i cili u shpreh mirënjohës ndaj mbështetjes së kauzave të tilla, si dhe inkurajoi besimtarët të kontribuojnë, jo vetëm si një vullnetarizëm qytetar por edhe si një porosi dhe traditë e Profetit tonë të dashur, Muhamedit (a.s).

Ndërsa Presidenti Meta, falënderoi Komunitetin Mysliman të Shqipërisë për mbështetjen e kësaj kauze dhe të gjithë besimtarët myslimanë, të cilët me vullnetarizëm u solidarizuan sot me dhurimin e gjakut të tyre për fëmijët talasemikë.

Kjo fushatë do të vijojë deri më 29 nëntor 2021, për të kontribuar ju ftojmë të bëni rezervimin në numrin 067 38 91 551.

 

 

 

Pajtohuni

Regjistrohuni në listën tonë të POSTIMEVE


© Të gjithë të Drejtat e Rezervuara 2021 Komuniteti Mysliman i Shqipërisë