xhamia ali demi (5)

Është inauguruar këtë të premte xhamia e re në lagjen “Ali Demi” në Tiranë.

Në ceremoninë e inaugurimit përpara namazit të xhumasë mori pjesë, Kryetari i Komunitetit Mysliman z. Skender Bruçaj, Deputeti Shpëtim Idrizi, Kryetari i Njësisë Bashkiake nr. 1m Shpëtim Cami, Myftiu i Tiranës H. Ylli Gurra, anëtarë të kryesisë së KMSH-së, si dhe qindra besimtarë të zonës.

Ceremonia u hap me këndim Kur’ani nga imami i kësaj xhamie Hysni Merja.

Kryetari i KMSH-së z. Bruçaj në fjalën e tij theksoi se ndërtimi i një xhamie të tillë në këtë lagje ishte mjaft i domosdoshëm, për shkak edhe të numrit të madh të besimtarëve myslimanë që ka kjo zonë dhe besimtarëve që çdo ditë e më tepër po rritet.

Fjalë përshëndetëse mbajti edhe kryetari i PDIU-së Shpëtim Idrizi, Kryetari i Njësisë Bashkiake, si dhe Myftiu i Tiranës, Ylli Gurra.

Më pas xhamia u tejmbush nga besimtarët, ku u thirr ezani i parë dhe u fal xhumaja e parë në këto ditë të bekuara Ramazani, në këtë objekt të rëndësishëm adhurimi, ku hutbeja u mbjat nga myftiu Gurra.

Toka për ndërtimin e xhamisë është dhuruar nga familjarët e z. Abdyl Zhegu.

25 Korrik 2014

xhamia ali demi (1) xhamia ali demi (2) xhamia ali demi (3) xhamia ali demi (4)

Pajtohuni

Regjistrohuni në listën tonë të POSTIMEVE


© Të gjithë të Drejtat e Rezervuara 2021 Komuniteti Mysliman i Shqipërisë