agron hoxha - medreseja tiranesDitën e hënë, datë 28 janar 2013, në ambientet e Medresesë së Tiranës u zhvillua një aktivitet prezantues i revistës “Drita Islame”, organ zyrtar i KMSH-së.

Drejtori i Drejtorisë së Medias dhe Marrëdhënieve me Publikun në KMSH, Agron Hoxha bëri një prezantim të rrugëtimit të revistës (gazetës) që nga themelimi i saj e deri më sot, duke evidentuar qëllimin dhe misionin e rëndësishëm të saj në shërbim të besimtarëve myslimanë për edukimin dhe avancimin e tyre fetar e kulturor.

I ftuar nga drejtori i këtij institucioni arsimor, z. Kasim Ilhan, kryeredaktori Hoxha u shpreh i kënaqur që i jepet mundësia të komunikojë me medresistët e rinj, pasi, siç u shpreh ai, ata janë e ardhmja e Islamit në Shqipëri e më gjerë.

Një minutazh të konsiderueshëm iu rezervua edhe seksionit pyetje – përgjigje, ku z. Hoxha u tregua i gatshëm t’i jepte përgjigje të pranishmëve në mënyrë që ata të krijonin një ide për mënyrën se si revista funksionon.

Pas diskutimit plotësues e me interes,  drejtori Hoxha i ftoi nxënësit që t’i referohen “Drita Islame” për zgjerimin e njohurive të tyre mbi Islamin si dhe për gjetjen e zgjidhjeve për problemet bashkëkohore duke theksuar se, “Drita Islame pret kontributin e çdo myslimani, pavarësisht moshës dhe nivelit intelektual”.

Aktiviteti promovues i Drejtorisë së Medias pranë Komunitetit Mysliman të Shqipërisë pritet të shtrihet në medrese dhe institucione të tjera islame në mbarë Shqipërinë.

 

/Drita Islame/

agroni-medreseja e tiiranes

Pajtohuni

Regjistrohuni në listën tonë të POSTIMEVE


© Të gjithë të Drejtat e Rezervuara 2021 Komuniteti Mysliman i Shqipërisë