1907888_806694416017987_4262528177769146961_oNjë delegacion i Komunitetit Mysliman të Shqipërisë, i kryesuar nga Kryetari Skender Bruçaj, zhvilloi një takim me Papa Françeskun, gjatë vizitës së tij njëditore në Shqipëri. 

 Kryetari Bruçaj e falënderoi Shkëlqesinë e tij për këtë vizitë historike, duke e cilësuar atë si një vlerësim të madh për Shqipërinë dhe për shqiptarët kudo që janë.

Papa Françesku nga ana e tij vlerësoi lart marrëdhëniet shembullore të mirëkuptimit ndërmjet tre besimeve fetare ne Shqipëri, që e bën Shqipërinë një vend unik në këtë aspekt. Kreu i Vatikanit vlerësoi gjithashtu kontributin e KMSH-së në ruajtjen e harmonisë fetare si dhe rolin e tij pozitiv në dobi të shoqërisë dhe prosperitetit të vendit.

Në emër të shqiptarëve myslimanë, z. Bruçaj i dhuroi Shkëlqesisë së tij, një tablo në dru të xhamisë dhe kishës të lidhura me njëra-tjetrën me flamuj kombëtarë, dëshmi e gjallë e harmonisë dhe frymës paqësore që karakterizon ndër shekuj shqiptarët e të gjitha besimeve.

Në takim morën pjesë edhe nënkryetari i KMSH-së Bujar Spahiu, Myftiu i Tiranës Ylli Gurra, Myftiu i Durrësit Redin Quku, Rektori i Universitetit Bedër, Ferdinand Gjana dhe drejtori i Kulturës Genti Kruja.

21 shtator 2014


10690319_806693586018070_2964946930421119194_n

 

 

 

 

Pajtohuni

Regjistrohuni në listën tonë të POSTIMEVE


© Të gjithë të Drejtat e Rezervuara 2021 Komuniteti Mysliman i Shqipërisë