Universitetet Amerikane kohët e fundit kanë filluar të krijojnë hapësira për faljen e studentëve myslimanë si dhe krijimin e abdes-haneve. Universiteti i Bostonit përveç hapësirës për faljen e namazit, ka përgatitur edhe abdes-hanen për studentët myslimanë.
Në universitetin e Bostonit studiojnë një numër i madh i studentësh praktikantë myslimanë, për këtë arsye autoritetet e universitetit kanë vendosur t’ua lehtësojnë adhurimin duke i krijuar hapësirat e nevojshme.
“Pamë se shfrytëzimi i banjave tona për pastrim përbënte një problem dhe vendosëm të përgatisnim një hapësirë të veçantë për marrjen e abdesit. Studentët kanë falënderuar shumë. Dua të theksoj se studentët myslimanë nuk kërkuan nga ne të bëjmë një gjë të tillë, ne vendosëm vetë kur pamë se sa i rëndësishëm është namazi në jetën e tyre”, thotë Margot Veldivia, drejtor i Qendrës për gjuhën angleze në universitetin e Bostonit.
Edhe në universitetin e Michigenitm, Dearbornit dhe George Washington janë ngritur hapësira për faljen e namazit si dhe për marrjen e abdesit. /Drita Islame/
