Hillari Klinton i ka dërguar mesazh urimi zv/kryeministrit dhe ministrit të Punëve të Jashtme, Edmond Haxhinasto, për festën e Bajramit dhe me rastin e përfundimit të muajit Ramazan.
Në letrën e saj Klinton u uron të gjithë myslimanëve shqiptarë festën e Bajramit, që ta kalojnë në paqe dhe të gëzuar.
“Ky është një rast për të festuar, ku myslimanët bashkohen për të reflektuar vlerat e rëndësishme të familjes, bamirësisë dhe komunitetit”, theksohet në mesazhin e kryediplomates amerikane drejtuar shqiptarëve të besimit mysliman.
Mes të tjerash ajo vlerëson si të rëndësishëm kontributin e myslimanëve në çdo cep të globit, përfshi brezin e ri, të cilët janë të përkushtuar për të forcuar komunitetet ku ata jetojnë përmes arsimit, biznesit dhe zhvillimit.
