Toni Bler, ish kryeministri i Britanisë, është kthyer në një person shumë i hapur në diskutimin mbi besimit fetar. Bler, i cili mbajti për disa vite postin politik më të lartë në Britani, tani ka deklaruar se lexon çdo ditë Kuranin, librin udhëzues të Islamit.
Lajmin e bën të ditur e revista e njohur “The Observer”, e cila citon Bler të jetë shprehur: “Besoj se të jesh i informuar mbi fenë është thelbësore në një botë të globalizuar. Unë lexoj Kuranin çdo ditë. Pjesërisht për të kuptuar disa nga gjërat që po ndodhin në botë, por kryesisht sepse është jashtëzakonisht instruktiv”.
Kohë më parë Bler e pati quajtur Islamin si “shumë të bukur” dhe qe shprehur se profeti Muhamed ka qenë “një figurë civile shumë e madhe”. Me respekt e konsideratë ai pati folur edhe për Kuranin, duke e konsideruar si libër që lartëson shkencën e dijen.
Ndërkaq, kunata e tij, gazetarja Lauren Buth, vetëm para pak kohësh lajmëroi konvertimin e saj në myslimane. Lajmi zuri faqet e para të shtypit evropian. Udhëtimin e saj drejt Islamit korrespondetja e BBC për Lindjen e Mesme e cilësoi një eksperiencë të mrekullueshme e unike.
