Në këtë program Komuniteti Mysliman i Shqipërisë është përfaqësuar nga Kryetari i Këshillit të Përgjithshëm, z. Ylli Gurra.
Të ftuar specialë kanë qënë aktori i shquar Reshat Arbana, i cili me zërin e tij emocionues ka prekur të gjithë pjesëmarrësit, Adem Ramadani dhe të tjerë të ftuar. Rreth 450 vetë të ardhur nga të gjitha qytetet kryesore të Zvicrës si Bern, Zyrih, Lozan, Gjeneve, Lugano, etj. kanë mbushur sallën në këtë aktivitet.
Programi i organizuar në nderim të Profetit Muhammed (s.a.v) është hapur nga recituesi i mirënjohur i Kur’anit, Hafiz Aziz Alili. Më pas Kryetari i Këshillit të Përgjithshëm të KMSH-së z. Ylli Gurra, ka mbajtur fjalën e rastit duke përshëndetur edhe në emër të Kryetarit të Komunitetit të Shqipërisë, H. Selim Muça, ku në fjalën e tij janë vënë në dukje disa prej vlera universale që zotëronte krenaria e njerëzimit Profeti Muhammed (s.a.v).
Në skenë është ngjitur edhe aktori i mirënjohur Reshat Arbana, që para interpreretimit të poezisë në nderim të Profetit (s.a.v) i emocionuar është shprehur duke thënë: “Kam dal shumë herë përpara publikut por si në këtë ditë nuk jam ndier asnjë herë kaq i emocionuar pasi edhe këmbët po më dridhen nga emocionet e shumta që po përjetoj. Të shpjegosh dhe të flasësh për Prefetin Muhammed (s.a.v) nuk mjaftojnë edhe orë të tëra”, ka thënë ndër të tjera z. Arbana.
Më pas në skenë është ngjitur edhe këngëtari i mirënjohur i trevave shqiptare, Adem Ramadani, i cili ka kënduar ilahi të njohura për publikun e shumtë të pranishëm në sallë.
