Autoritetet e Kopenhagenit, pas një pritje të gjatë kanë lejuar ndërtimin e një xhamie në këtë qytet, njofton ‘Irib’.
Këshilli i myslimanëve të Danimarkës pas dhënies së lejes nga ana e këshillit të qytetit, deklaroi se ka filluar mbledhjen e mjeteve për ndërtimin e xhamisë së parë në kryeqytetin danez.
Këshilli i qytetit të Kopenhagës edhe përkundër reagimeve dhe kritikave të ashpra të partive që janë kundër emigracionit vendosi të lejoj ndërtimin e xhamisë.
Vlen të theksohet se Këshilli i Myslimanëve të Danimarkës ka lajmëruar se për ndërtimin e kësaj xhamie nevojiten 37 milionë dollarë.
Myslimanët e Kopenhagës që nga viti 1970 kanë bë disa kërkesa për ndërtimin e kësaj xhamie. (breziiri.com)
