Autoritetet greke kanë vendosur më në fund që ta përshpejtojnë procesin e ndërtimit të xhamisë në Athinë për të plotësuar kërkesën e shumëkërkuar nga myslimanët.
Sipas asaj që bën të ditur e përditshmja greke 'Ta nea', qeveria greke ka planifikuar në buxhetin saj të vitit 2011 ndërtimin e një xhamie në kazermën e forcave detare në afërsi të qendrës së Athinës. Në këtë xhami do të mund të falen 500 besimtarë dhe pritet të mbarohet brenda gjashtë muajve.
Për vite me radhë myslimanët e Athinës kanë parashtruar kërkesa të shumta për ndërtimin e xhamisë, por ato deri më sot nuk janë marrë në konsideratë, duke e kthyer Athinën në kryeqytetin e vetëm të BE-së pa xhami.
