Departamenti i Dialogut Ndërfetar me vendim kryesie Tetor 2010 është përfshirë në Drejtorinë e Kulturës, duke u quajtur kështu Drejtoria e Kulturës dhe e Dialogut Ndërfetar me drejtor MA. Genti Kruja. Ky departament ka për detyrë të organizojë programe, simpoziume, panele, konferenca, tryeza të rrumbullakta, të botojë libra, artikuj, etj. në lidhje me promovimin e Dialogut Ndërfetar.
Ky departament në koordinim me të gjitha organet e institucionit të Komunitetit Mysliman të Shqipërisë, si dhe me bashkëpunim me Komunitetet e tjera fetare tradicionale në vend dhe Këshillin Ndërfetar të Shqipërisë, mund të organizojë aktivitete të ndryshme për të promovuar dashurinë dhe tolerancën ndërfetare ndër shqiptarët, si dhe të nxisë me anë të të gjitha mjeteve, qofshin zyrtare, qoftë media e shkruar apo vizive, qofshin organizma vendase apo të huaj, që të japin ndihmesën dhe përkrahjen e tyre, për ta promovuar traditën e shkëlqyer të bashkëjetesës, mirëkuptimit dhe harmonisë ndërfetare në vendin tonë, për ta çuar më tej atë, si dhe për t’ia trashëguar atë brezave që do të vijnë.
Komuniteti Mysliman i Shqipërisë, e sheh shumë të rëndësishme promovimin dhe zhvillimin e Dialogut Ndërfetar në Shqipëri, për arsye se sot, me të vërtetë Shqipëria përbën një nga rastet e rralla dhe ndoshta unikale në botë, për harmoninë dhe bashkëjetesën ndërfetare. Kjo vlerë shërben edhe si një faktor tepër pozitiv për kombin shqiptar, vendin tonë, si dhe për integrimin e tij në BE.
Për foto të aktiviteteve kliko më poshtë:
http://www.kmsh.al/fotografi.html?func=viewcategory&catid=3
