Komuniteti Mysliman i Shqipërisë ka botuar në prill 2011 një libër me ese të titulluar “Profeti Muhamed (a.s.) - Krenaria e Njerëzimit”. Në këtë libër janë përzgjedhur esetë më të mira të konkursit me të njëjtin titull. Meqenëse materialet e dërguara u vlerësuan nga juria për nivelin e lartë letraro-artistik dhe forcën e tyre argumentuese, KMSH e pa të arsyeshme përmbledhjen e tyre në një botim të veçantë, duke shpërblyer në këtë mënyrë interesimin dhe angazhimin e të rinjve pjesëmarrës dhe kontribuar njëherësh në pasurimin e literaturës islame në qarkullim.
Me shpresën që ky botim të shërbejë si shtysë për punë, shërbime dhe botime të tjera në dobi të individit dhe shoqërisë myslimane, KMSH falënderon dhe shpreh mirënjohjen e thellë për të rinjtë e të rejat pjesëmarrëse në këtë eveniment kulturor, duke uruar e shpresuar që në një të ardhme të afërt ata të bëhen të aftë për veten dhe të dobishëm për Islamin dhe shoqërinë shqiptare.
