Ditën e hënë dhe të mërkurë me dt. 14 dhe 16 nëntor 2011, kanë mbërritur në Tiranë të gjithë haxhinjtë shqiptarë. Haxhinjtë shoqëroheshin nga nënkryetari i KMSH-së, H. Bujar Spahiu. Pasi kanë kryer ritualin e haxhit në Mekë dhe kanë vizituar xhaminë e Profetit (a.s.), si dhe vende e objekte të tjera të rëndësishme në këtë qytet, haxhinjtë kanë marrë rrugën e kthimit për në vendlindje. Në aeroportin ndërkombëtar “Nënë Tereza” ata janë pritur nga drejtuesit e Komunitetit Mysliman dhe familjarët e tyre.
Numri i haxhinjve për këtë vit ka qenë mbi 300 vetë, të cilët kanë qenë në mesin e miliona besimtarëve nga të katër anët e botës, të cilët iu përgjigjën ftesës së Zotit për kryerjen e haxhit në Mekë.
Kjo ka qenë edhe hera e parë që Haxhi organizohej ekskluzivisht nga Komuniteti Mysliman i Shqipërisë./Drita Islame/
