Gjatë iftarit midis të ftuarve pati diskutime të frytshme me një gamë të gjerë temash, përfshirë tolerancën fetare në Shqipëri, kontributin e Komunitetit Mysliman të Shqipërisë në zhvillimin e shoqërisë shqiptare, ndikimin e komunitetit mysliman në Shtetet e Bashkuara dhe përpjekjet që SHBA-të me përfaqësuesit e saj bëjnë për të forcuar marrëdhëniet me vendet dhe popujt myslimanë.
Ndërkaq, Kryetari H. Selim Muça, pasi falënderoi Ambasadorin Arvizu për ftesën, mes të tjerash vlerësoi kontributin e madh që SHBA-të kanë dhënë dhe vazhdojnë të japin në dobi të shoqërisë shqiptare dhe progresin e vendit. Z. Muça u shpreh i bindur se marrëdhëniet mes dy vendeve tona do të njohin të tjera dimensione në të ardhmen.
Iftari u mbyll me lutjen e z. Muça, në të cilën ai iu lut Zotit për ditë më të mira për njerëzimin dhe për më tepër paqe e harmoni në botë.
Në këtë tryezë morën pjesë edhe nënkryetari Bujar Spahiu, kancelari Ali Zaimi, drejtori i Marrëdhënieve me jashtë në KMSH, z. Astrit Zharri, myftinj, etj.
Haxhi Lika
