Ditën e enjte me dt. 24 Nëntor 2011, nën drejtimin e nënkryetarit të KMSH-së H. Bujar Spahiu është mbledhur Këshilli i Teologëve në Selinë e Komunitetit Mysliman të Shqipërisë.
Në këtë mbledhje është diskutuar gjatë në lidhje me kalendarin e vakteve për vitin 2012. Duke marrë parasysh edhe delikatesën e problemit të orareve të faljes së namazeve, sidomos për kohën e sabahut, teologët kanë diskutuar në detaje problematikën e kësaj çështjeje.
Drejtori i Kulturës në KMSH z. Genti Kruja ka bërë një pasqyrë të studimeve të ndryshme në lidhje me përcaktimin e orareve të namazeve, çështjen e Ramazanit, oraret e syfyrit dhe iftarit, etj., dhe si përfundim Këshilli i Teologëve ka miratuar kalendarin e përgatitur, duke bërë edhe rregullimet përkatëse në lehtësi të besimtarëve praktikantë të faljes së namazit dhe atyre agjërues.
Në këtë këshill janë anëtarë, nënkryetari i KMSH-së H. Bujar Spahiu, myftinjtë e zonave, myftinj rrethesh, imamë, etj, të gjithë këto të diplomuar në Shkencat Islame (Teologji) në vende të ndryshme islame.
