Komuniteti Mysliman i Shqipërisë me dt. 22.06.2011 pasi ka nënshkruar me Ministrinë e Haxhit të Mbretërisë së Arabisë Saudite Akt-Marrëveshjen për organizimin e ritualit të Haxhit për vitin 2011, ka disa kohë që ka nisur regjistrimet për organizimin e Haxhit për vitin 2011 dhe kjo për herë të parë nga ana e institucionit të KMSH-së. Aktmarrëveshja e mësipërme është firmosur nga Kryetari i KMSH-së H. Selim Muça në emër të Komunitetit Mysliman të Shqipërisë. Përveç të tjerave në aktmarrëveshje bëhet e ditur se ekskluzivitetin për organizimin e haxhit në Shqipëri do ta këtë vetëm institucioni zyrtar përfaqësues që është Komunitetit Mysliman i Shqipërisë.
Për këtë, Komuniteti Mysliman njofton të gjithë besimtarët që duan të kryejnë ritualin e Haxhit, që të drejtohen për regjistrim në zyrën e Drejtorisë së Marrëdhënieve me Jashtë në Komunitetin Mysliman të Shqipërisë, ose pranë çdo myftnie rrethi.
Çmimi i Haxhit për vitin 2011 do të jetë 2.300 euro, ku do të përfshihen, udhëtimi me avion, lëvizja me autobusë drejt vendeve të shenjta, akomodimi në hotel me 5 yje në Mekë dhe hotel afër Xhamisë së Profetit (a.s.), ihrami, kurbani, numer telefoni, ushqimi mengjesi dhe darka, etj.
Dokumentat që duhen për HAXH:
1. Pasaporta e vlefshme jo më pak se 6 muaj. Për personat që nuk kanë shtetësi shqiptare e shoqëruar me lejen e qëndrimit, e cila të jetë e vlefshme jo më pak se 6 muaj.
2. 2 Fotografi.
3. Çertifikatë, dëshmi që vërteton lidhjen e gjakut për femrat që janë nën 45 vjeç.
4. Vaksina kundër meningitit, me afat jo më pak se 10 ditë dhe jo më shumë se 3 vjet.
5. Bagazhet të jenë në përputhje me standardet ndërkombëtare të aeroporteve dhe kufiri maksimal i peshës për peligrin do të jetë 32 kg.
Ju bëjme me dije se rregjistrimi do të mbyllet brenda 2 javësh.
